ધજાડા/સુરેન્દ્રનગર:
રાજકોટ રેન્જમાં નાસતા ફરતા ગુનેગારોને પકડી પાડવા માટે શરૂ કરવામાં આવેલી ખાસ ડ્રાઇવ અંતર્ગત સુરેન્દ્રનગર પેરોલ ફ્લો સ્ક્વોડને વધુ એક સફળતા મળી છે. પોલીસે ધજાડા પોલીસ સ્ટેશનના બી.એન.એસ. કલમ હેઠળના ગુનામાં નાસતા ફરતા એક આરોપીને સુદામડા ગામ ખાતેથી ઝડપી પાડ્યો છે.
સ્પેશિયલ ડ્રાઇવ હેઠળ પોલીસ એક્શન
રાજકોટ વિભાગના નાયબ પોલીસ મહાનિરીક્ષક શ્રી નિર્લિપ્ત રાય સાહેબ (IPS) દ્વારા રેન્જના જિલ્લાઓમાં નાસતા ફરતા આરોપીઓને પકડી પાડવા માટે તા. ૧૧/૦૬/૨૦૨૬ થી તા. ૨૧/૦૬/૨૦૨૬ સુધી ખાસ ડ્રાઇવનું આયોજન કરવામાં આવ્યું છે. આ આદેશ અન્વયે સુરેન્દ્રનગર જિલ્લા પોલીસ અધિક્ષક શ્રી પ્રેમસુખ ડેલુ સાહેબ (IPS) ના માર્ગદર્શન હેઠળ, એલ.સી.બી.ના પોલીસ ઇન્સ્પેક્ટર શ્રી બી.એચ. સીંગરખીયા અને પેરોલ ફ્લો સ્ક્વોડના પોલીસ સબ ઇન્સ્પેક્ટર શ્રી એન.એ. રાયમાએ એક્શન પ્લાન બનાવી સઘન ચેકિંગ હાથ ધર્યું હતું.
ટેકનિકલ અને હ્યુમન સોર્સની મદદથી સફળતા
તા. ૧૮/૦૬/૨૦૨૬ ના રોજ પેરોલ ફ્લો સ્ક્વોડ સુરેન્દ્રનગરની ટીમ નાસતા ફરતા આરોપીઓને પકડી પાડવા સતત પ્રયત્નશીલ હતી. તે દરમિયાન પોલીસ હેડ કોન્સ્ટેબલ ભરતભાઈ અરજણભાઈ સભાડને ટેકનિકલ સોર્સીસ અને હ્યુમન સોર્સીસ દ્વારા એક ચોક્કસ બાતમી મળી હતી. આ હકીકતના આધારે પોલીસે ધજાડા પો.સ્ટે. ગુ.ર.નં-૦૦૦૭/૨૦૨૬, બી.એન.એસ. કલમ-૩૦૮(૪), ૧૮૯(૨) મુજબના ગુનાના નાસતા ફરતા આરોપી રવિરાજભાઈ કાળુભાઈ ચાવડા (રહે. આંકડીયા, તા. વિંછીયા, જી. રાજકોટ) ને સુદામડા ગામ ખાતેથી હસ્તગત કરી લીધો છે.
પોલીસે આરોપીનો કબ્જો મેળવી આગળની કાયદેસરની કાર્યવાહી માટે તેને ધજાડા પોલીસ સ્ટેશનને સોંપી દીધો છે.
કામગીરી કરનાર પોલીસ ટીમ:
આ સફળ ઓપરેશનમાં એલ.સી.બી. પીઆઈ શ્રી બી.એચ. સીંગરખીયા, પીએસઆઈ શ્રી એન.એ. રાયમા, હેડ કોન્સ્ટેબલ દેવરાજભાઈ મગનભાઈ તથા પોલીસ કોન્સ્ટેબલ ભરતભાઈ અરજણભાઈ જોડાયા હતા.
