મોરબી, ૧૩ જૂન ૨૦૨૬:
મોરબી જીલ્લાના માળિયા મિયાણા પોલીસ સ્ટેશનની ટીમે એક મોટી સફળતા મેળવી છે. ભારતીય ન્યાય સંહિતા (BNS) ૨૦૨૩ ની કલમ ૧૦૩(૧) (હત્યા) સહિત આર્મ્સ એક્ટ હેઠળ નોંધાયેલા ગંભીર ગુનામાં નાસતા ફરતા બે રીઢા આરોપીઓને પોલીસે ઝડપી પાડી જેલના સળિયા પાછળ ધકેલી દીધા છે. પોલીસે આરોપીઓ પાસેથી ગુનામાં વપરાયેલ હથિયાર અને મોબાઈલ ફોન પણ કબજે કર્યા છે.
📌 શું છે સમગ્ર મામલો?
બનાવની વિગત મુજબ, માળિયા મિયાણા પોલીસ સ્ટેશનમાં એ-પાર્ટ ગુ.ર.ન. ૦૪૭૪/૨૦૨૬ હેઠળ ભારતીય ન્યાય સંહિતા ૨૦૨૩ ની કલમ ૧૦૩(૧), ૧૮૯(૧), ૧૮૯(૪), ૧૯૦, ૬૧(૨)(એ), ૩(૫) તેમજ આર્મ્સ એક્ટ અને જી.પી. એક્ટની વિવિધ કલમો હેઠળ ગુનો નોંધાયો હતો. આ ગંભીર ગુનાના આરોપીઓ લાંબા સમયથી પોલીસને થાપ આપી નાસતા ફરતા હતા.
સરહદી રેન્જ ભુજના પોલીસ મહાનિરીક્ષક (IGP) તથા મોરબી જીલ્લા પોલીસ અધિક્ષક (SP) અને નાયબ પોલીસ અધિક્ષક (DySP) દ્વારા શરીર સંબંધી અને મિલકત સંબંધી ગુનાના નાસતા ફરતા આરોપીઓને પકડવા માટે ખાસ સૂચના અને માર્ગદર્શન આપવામાં આવ્યું હતું. જે અંતર્ગત માળિયા મિયાણા પોલીસ સ્ટેશનના પોલીસ ઇન્સ્પેક્ટર આર.એસ. પટેલની આગેવાનીમાં સર્વેલન્સ સ્ટાફે વોચ ગોઠવી આ બંને આરોપીઓને ઝડપી લીધા છે.
👤 પકડાયેલા આરોપીઓના નામ અને વિગત:
૧. સફીરભાઇ મુસાભાઇ મોવર (ઉંમર વર્ષ ૩૨,
• હાલ રહેઠાણ: શ્રીજી પાર્ક, વાવડી રોડ, મોરબી-૧
• મૂળ રહેઠાણ: માળિયા મિયાણા ત્રણ રસ્તા પાસે, જી. મોરબી
• ધરપકડનો સમય: ૧૧/૦૬/૨૦૨૬, સાંજે ૧૮:૧૫ વાગ્યે
૨. મયુદીનભાઇ મહેબુબભાઇ કટીયા (ઉંમર વર્ષ ૨૫,
• હાલ રહેઠાણ: હનીફાબેન મુસાભાઇ મોવરની વાડી, વિશાલા હોટલ પાછળ, માળિયા મિયાણા
• મૂળ રહેઠાણ: જોરાવનગર પોલીસ સ્ટેશન સામે, જી. સુરેન્દ્રનગર
• ધરપકડનો સમય: ૧૧/૦૬/૨૦૨૬, રાત્રે ૧૯:૧૫ વાગ્યે
⚡ પોલીસની કાયદેસરની કાર્યવાહી
માળિયા મિયાણા પોલીસે બંને આરોપીઓની કાયદેસર અટકાયત કરી છે અને ગુનામાં ઉપયોગમાં લેવાયેલ હથિયાર તેમજ મોબાઈલ ફોન જપ્ત કરી આગળની કાનૂની કાર્યવાહી હાથ ધરી છે.
