ધોરણ ૧૨ સાયન્સનું પરિણામ આવ્યા બાદ વિદ્યાર્થીઓ માટે ‘હવે આગળ શું?’ તે એક મુંઝવતો પ્રશ્ન હોય છે. આ વિષય પર આઈસ્ટાર કોલેજના હેડ ઓફ ડિપાર્ટમેન્ટ ડૉ. રોહિત એચ. દવે એ વિદ્યાર્થીઓને મૂંઝવણમાંથી બહાર લાવવા માટે ઊંડાણપૂર્વકનું માર્ગદર્શન પૂરું પાડ્યું છે.
નિષ્ણાત ડૉ. રોહિત એચ. દવેના મુખ્ય સૂચનો:
• આંધળી દોટ ન મૂકો: ભવિષ્યના ૧૦ વર્ષનો વિચાર કરીને, પોતાની રુચિ અને સ્કિલ મુજબ જ ક્ષેત્ર પસંદ કરો.
• માહિતીના સ્ત્રોત: માત્ર સોશિયલ મીડિયા પર નિર્ભર રહેવાને બદલે સ્કૂલ, જાગૃત વાલીઓ અને શૈક્ષણિક સંસ્થાઓની જાહેરાતો દ્વારા સાચી માહિતી મેળવો.
• કેમિકલ ઇન્ડસ્ટ્રીમાં તકો: ગુજરાતમાં હાલમાં કેમિકલ ઇન્ડસ્ટ્રીનો ગ્રોથ ખૂબ સારો છે. B.Sc. અને M.Sc. કર્યા પછી પણ વિદ્યાર્થીઓ ઉદ્યોગોમાં ઉચ્ચ હોદ્દા પર વાર્ષિક ૧ કરોડ સુધીનું પેકેજ મેળવી શકે છે.
• કોલેજની પસંદગી: એડમિશન લેતા પહેલા લેબોરેટરી, ઈન્ફ્રાસ્ટ્રક્ચર, હોસ્ટેલ સુવિધા અને સંસ્થાના કલ્ચર વિશે ચોક્કસ માહિતી મેળવો.
ગભરાવાની જરૂર નથી:
જો મેડિકલ કે એન્જિનિયરિંગમાં એડમિશન ન મળે, તો નિરાશ થયા વગર અન્ય વિકલ્પો જેવા કે એગ્રીકલ્ચર, ફાર્મસી, પેરા-મેડિકલ કે પ્યોર સાયન્સ (B.Sc.) માં પણ કારકિર્દી બનાવી શકાય છે.
