ટંકારા:
મોરબી જિલ્લામાં ગેરકાયદેસર પ્રવૃત્તિઓ નાબૂદ કરવા અને પ્રોહિબિશનના કેસો શોધી કાઢવા માટે પોલીસ તંત્ર એક્શન મોડમાં છે. બોર્ડર રેન્જ આઈજી ચિરાગ કોરડીયા અને મોરબી જિલ્લા પોલીસ વડા મુકેશ પટેલની સૂચના તેમજ વાંકાનેર ડીવાયએસપી સમીર સારડાના માર્ગદર્શન હેઠળ ટંકારા પોલીસે મોટી સફળતા મેળવી છે. ટંકારા પોલીસ સ્ટેશનના પીઆઈ જે.ડી. ઝાલાની આગેવાનીમાં સર્વેલન્સ સ્ટાફે જબલપુર-હીરાપર રોડ પરથી એક ઇકો કારમાંથી મોટા પ્રમાણમાં દેશી દારૂનો જથ્થો ઝડપી પાડ્યો છે.
📌 બાતમીના આધારે વોચ ગોઠવી દરોડો પાડ્યો
ટંકારા પોલીસની ટીમ જ્યારે પેટ્રોલીંગમાં હતી, તે દરમિયાન ખાનગી બાતમીદાર પાસેથી ચોક્કસ માહિતી મળી હતી કે એક ઇકો કારમાં દારૂની હેરાફેરી થઈ રહી છે. બાતમીના આધારે પોલીસે જબલપુર-હીરાપર રોડ પર વોચ ગોઠવીને ઇકો કાર (નંબર: GJ-03-NB-9314)ને અટકાવીને તલાશી લેતા તેમાંથી રૂ. 1,40,000ની કિંમતનો 700 લીટર (140 બુંગીયા) દેશી દારૂનો જથ્થો મળી આવ્યો હતો. પોલીસે દારૂ, કાર અને મોબાઈલ સહિત કુલ રૂ. 4,45,000/- નો મુદ્દામાલ કબ્જે કર્યો છે.
👤 રાજકોટનો શખ્સ ઝડપાયો, સુરેન્દ્રનગર અને ટંકારાના 3 શખ્સો ફરાર
પોલીસે આ મામલે એક આરોપીની ધરપકડ કરી છે, જ્યારે અન્ય ત્રણ સાગરીતોને પકડવા ચક્રો ગતિમાન કર્યા છે:
• પકડાયેલ આરોપી: જિજ્ઞેશભાઈ ઉર્ફે દિલીપભાઈ લાખાભાઈ ગોહેલ (ઉં.વ. 41, રહે. ભગવતીપરા, રાજકોટ)
• પકડવાના બાકી આરોપીઓ:
1. શામજીભાઈ ઉર્ફે વિજયભાઈ સુખાભાઈ સારલા (रहે. નળખંભા, તા. થાન, જી. સુરેન્દ્રનગર)
2. દશરથભાઈ ઉર્ફે દસો રમેશભાઈ કણજરીયા (રહે. સામતપર, તા. સાયલા, જી. સુરેન્દ્રનગર)
3. આસિફભાઈ ઈરફાનભાઈ વીકીયા (રહે. સરાયા, તા. ટંકારા, જી. મોરબી)
📦 જપ્ત કરાયેલ મુદ્દામાલની વિગત:
• દેશી દારૂ: 700 લીટર (કિંમત રૂ. 1,40,000/-)
• ઇકો કાર (GJ-03-NB-9314): કિંમત રૂ. 3,00,000/-
• મોબાઈલ ફોન: 1 નંગ (કિંમત રૂ. 5,000/-)
• કુલ મુદ્દામાલ: રૂ. 4,45,000/-
ટંકારા પોલીસે ચારેય આરોપીઓ સામે પ્રોહિબિશન એક્ટ હેઠળ ગુનો નોંધી આગળની કાયદેસરની કાર્યવાહી હાથ ધરી છે. આ કામગીરી ટંકારા પોલીસ ઇન્સ્પેક્ટર જે.ડી. ઝાલા તથા તેમની ટીમ દ્વારા કરવામાં આવી હતી.
