માળીયા મિયાણામાં ગત મોડી રાત્રે થયેલી હત્યાની સનસનાટીભરી ઘટનામાં મોરબી LCB અને માળીયા પોલીસને મોટી સફળતા મળી છે. ગણતરીના કલાકોમાં જ હત્યાનો ભેદ ઉકેલી પોલીસે 6 આરોપીઓને દબોચી લીધા છે.
📌 શું હતો બનાવ?
તા. 22/04/2026 ના રોજ રાત્રિના સમયે માળીયા મિયાણા વિસ્તારની ધૈર્ય હોટલ ખાતે હત્યાનો આ ગંભીર ગુનો બન્યો હતો. પોલીસે ભારતીય ન્યાય સંહિતા 2023 ની કલમ 103(1) હેઠળ ગુનો નોંધી તપાસના ચક્રો ગતિમાન કર્યા હતા.
💰 હત્યા પાછળનું કારણ
પોલીસ તપાસમાં જાણવા મળ્યું છે કે, મુખ્ય આરોપી શિવમ રબારી હોથલ ફાઇનાન્સ ચલાવે છે. મરણ જનાર વ્યક્તિએ તેની પાસેથી પૈસા લીધેલ હોય, જે બાબતે મનદુખ ચાલતું હતું. આ જ ખાર રાખીને આરોપીઓએ હત્યાને અંજામ આપ્યો હતો.
🚔 પકડાયેલા આરોપીઓ:
૧. મોહન ઉર્ફે શિવમભાઈ ભગવાનજીભાઈ ભુંભરીયા
૨. રમેશભાઈ ઉર્ફે રામો અરજણભાઈ રબારી
૩. પૃથ્વીરાજસિંહ ભગીરથસિંહ ઝાલા
૪. ગુલામહુસૈન મહેબૂબભાઈ પઠાણ
૫. કિશનભાઈ અમરશીભાઈ ચૌહાણ
૬. હીરાભાઈ રવજીભાઈ ઉલવા
🚗 મુદ્દામાલ:
પોલીસે હત્યામાં વપરાયેલી ઇક્કો ગાડી (નંબર GJ-36-B-3749) પણ જપ્ત કરી છે.
મોરબી LCB અને માળીયા મી. પોલીસની ટીમોએ ટેક્નિકલ સર્વેલન્સ અને હ્યુમન ઇન્ટેલિજન્સની મદદથી આ સફળ ઓપરેશન પાર પાડ્યું છે.
વધુ સમાચારો માટે ફોલો કરો: ગુજરાત ગુંજ 📢
