રાજકોટ જિલ્લાના ધોરાજી તાલુકામાં આવેલું પાટણવાવ ગામ આજે વિકાસની નવી મિસાલ બની રહ્યું છે. એક સમયનું સામાન્ય ગામ આજે સુવિધાઓથી સજ્જ બનીને શહેરોને પણ ઝાખું પાડે તેવી સ્થિતિમાં પહોંચી ગયું છે.
પાટણવાવ ગામમાં પાકા રોડ-રસ્તાઓ, સ્વચ્છતા અને વ્યવસ્થિત આયોજનને કારણે ગામનું રૂપાંતર ખૂબ જ સુંદર રીતે થયું છે. ગામમાં સ્કૂલ, આરોગ્ય કેન્દ્ર, પોલીસ મથક, પીજીવીસીએલ કચેરી, બેંક જેવી તમામ જરૂરી સરકારી સુવિધાઓ ઉપલબ્ધ છે, જેના કારણે ગામલોકોને શહેરમાં જવાની જરૂરિયાત ઓછી થઈ ગઈ છે.આ ગામના લોકોનો મુખ્ય વ્યવસાય ખેતી, ખેતમજૂરી અને પશુપાલન છે. અહીં બાજરી, મગફળી, તલ, ચણા, કપાસ, દિવેલી, રજકો તથા વિવિધ શાકભાજીના પાકોની ખેતી કરવામાં આવે છે. મહેનતુ ખેડૂતો અને સંકલ્પબદ્ધ ગામલોકોના પ્રયાસોથી પાટણવાવ આજે વિકસિત અને વિકાસશીલ ગામ તરીકે ઓળખાય છે.
પાટણવાવ ગામ માત્ર સુવિધાઓમાં જ નહીં, પરંતુ એકતા, સ્વચ્છતા અને પ્રગતિના માર્ગે આગળ વધવાનું પ્રેરણાસ્ત્રોત પણ છે.
👉 સંદેશ:પાટણવાવની જેમ દરેક ગામ જો સ્વચ્છતા, સુવિધા અને વિકાસને પ્રાથમિકતા આપે, તો આપણું ગામ પણ રળિયામણું બની શકે. એકતા અને પ્રયત્નોથી ગામને સુંદર અને વિકસિત બનાવવું આપણા હાથમાં જ છે.
